Neke atu i te 140 ngā taonga whakairo kei tēnei wharetoi, nō ēnei rautau e whitu kua mahue nei. Ko te nuinga kāore anō i whakaaturia.

Kei roto nei, ko ngā kano pakitara o te kahurangi, te māwhero, me te kākāriki hei tūtohu i ngā kaupapa rerekē.

He tohu rangatira (kahurangi)

Ki konei whakakitea atu ai ngā taonga mana rangatira – atu i ngā māhihi pātaka whakairo, ki ngā tauihu waka taua. Ko ngā pakitara he mea whakaihi nō ngā pā tūwatawata pā whakairo.

Wānanga whakairo (māwhero)

Ka aropū tēnei wāhanga ki ngā whao, ki ngā kaiwhakairo, me te tuku ihotanga o te mahi whakairo. Mātakihia te ataata o te toki whakairo a Sam Hauwaho i a ia e hanga ana i te taonga e whakaaturia mai nei.

He mana tangata (kākāriki)

Ko tā te whakairo he whakaihonui i te āhua me te whakamahinga. Ko tēnei wāhanga he tiro ki te whakaūnga o te whakairo i te mana me te tapu ki roto ki te taonga. Tirohia ngā whao whakairo, ngā taonga puoro, ngā rākau matarua, me te maha atu o ngā momo taonga.  

Mā te tamariki!

Ka āhei anō te hunga tamariki ki te whai i te ara tohu me te whakahāngai ki ngā whakairo. Ka āhei hoki rātou ki te pānui pūrākau mō te takenga o te mahi whakairo i Aotearoa.