Whakatakinga o Breathe | Mauri Ora
He Ara Mariko ki Te Taiao, nā Marshmallow Laser Feast
Tukua kia 60 meneti
13 o Tīhema 2025 – 27 o Āperira 2026
PAPA 4
He tirohanga hou ki te ao.
Ko tā Breathe | Mauri Ora he whakamārama i ngā mana huna ā-rangi, ā-nuku e karapoti ana i a tātou, e whakaatu ana i te hiranga mā ngā haerenga ā-tairongo e whakanui nei i ngā āhuatanga tē kitea i te ao o ia rā. Atu i ngā pakiaka o tētahi rākau nui nō Amahona, ki ngā peka huna o te tinana me te whānautanga mai o ngā ao tukupū, ka ruku hōhonu atu tēnei kaupapa wheako ki te ō mataora e whakatipuria ana, e honoa mai ana ngā mea ora katoa – te mauri ora.
Ngā mahinga toi matihiko nunui
He whakaaturanga tēnei e whakaatu ana i ngā mahinga toi matihiko nunui, whakahirahira hoki, nā te ranga auaha nō Rānana, arā ko Marshmallow Laser Feast (MLF). Mā te whakataki ā-whakaaro, mā ngā ataata nui, me ngā wheako pāhekoheko, ka panoni haere koe i ngā pata wai ki ngā tipu, i ngā pūtau ki ngā whetū, ka whai hei wāhanga o te huringa ō mataora o te ao tukupū.
He kōwhiringa wheako ao mariko māu ka rumakina ki te haerenga o mauri ora. Hoko tīkiti ki te tēpu Tīkiti kei te Papa 2.
He mahi ngātahi auaha
Ka whakaatu a Breathe | Mauri Ora i:
te reo whakataki nō Cate Blanchett
ngā toikupu nā Daisy Lafarge
te puoro nā Jon Hopkins, nā Jóhann Jóhannsson, nā Meredith Monk, nā Howard Skempton, rātou ko Jonny Greenwood nō Radiohead.
I whakahaerehia ngā mahinga toi e Edward R Pressman kua mate nei, rāua ko te kaihanga kiriata ko Terrence Malick.
He mea waihanga tēnei whakaaturanga nui nā ACMO – ko te whare taonga o ngā ahurea kiriata ā-motu o Ahitereiria nō Merepana, nō Wikitōria.
Mō Marshmallow Laser Feast
He ranga toi nō Rānana a Marshmallow Laser Feast, he mea ārahi e ngā ringatoi me ngā ringatohu, arā ko Robin McNicholas, ko Ersin Han Ersin, rātou ko Barnaby Steel. Ka mahi ngātahi a MLF me ngā ringatoi, ngā kaipūkaha, me ngā kaipūtaiao, hei waihanga i ngā pūmanawa huatahi me ngā pūnaha pūmārō hei whakatinana i ō rātou wawata.